KHUSH TOH HO NA, MERE BACCHE?

-

 1970 ke Bengal ka ek Qissa batata hun. Naxalbari movement ke din the. Bengal Laal hone laga tha. Laal toh woh angrezon ke zamaane se tha lekin ab Bengal mein Laali ka kaaran, Angrezon ka Khoon nahi, Zamindaron aur Ameeron ka Khoon tha. Gaanv ke Gaanv tabaah ho jaaya karte the. Saare ladaku, ek aise subah ke liye lad rhe the, Jo unko Aazadi ke sath Waade mein diye gaye the, Lekin ab unse chheen kar, Unki zameenein aur unke waade, bade zameedaaron aur rais-zaadon ko de di gayi thi. Mahaul dar ka bhi tha aur Khushi ka bhi. Dar Burjua varg mein, Aur Khushi Sarvahara varg ki. 

Hariya Bhangi ek choti jaati ka Naxal sipaahi tha. Laal jhande par laga Hasua hi Hariya ka swabhaav ho gaya tha. Bachpan se Jheli Gareebi, Dukh, dard, aur upar se Samajik Anyaay ke roop mein Jaatiwaad. Hariya ko Charu mazumdaar, Naxalbari movement ke leader, se milne ka bhi mauka mila tha. Unse usne jaana, Ki zindagi ek aisi bhi ho sakti hai, jahan mehnat ke barabar fal milte hain, Khushi sambhav hai, Uske liye ye nayi baat thi. Jab Aadmi aisa dukh dekh ke aata hai, Tab uske liye Khushi aur aazadi ka waada karne wala hi Khuda ho jaata hai. Hariya ka Khuda ab Laal Nishaan tha. 

Lekin, Bengal Communist government ne Sakht roop ikhtiyaar kar liya. Giraftaariyaan hone lagiin. Naxals ko shoot at sight ka order diya jaane laga. Hariya bhaag ke Punjab pahuch gaya. Uss samay Punjab pahuch paana badi baat thi, kyunki Punjab uss samay shaant bhi tha aur naxals ki pahuch se bahar bhi. 

Punjab pahuch kar bahut din tak Hariya ko rahne ke liye jagah nahi mili. Hariya ki jaati ne uska saath abhi bhi nahi chhoda tha. Kisi ne Hariya ko rehne ki jagah nahi thi. 

Hariya Talwandi ke ek gaanv pahucha. Wahan Ek baba rehte the. Baba logon ko Jaatiwaad na karne ki baat kehte the. Baba ke pravachan mein usne ek din ye baat sunn li. Usne pravachan ke baad unse pucha, "Baba, Mere pass rehne ki jagah nahi hai, Bahut din se kuch khaaya bhi nahi hai, Bahut bhookh lagi hai, Mai Choti jaat ka hun, Bhangi hun baba, Mujhe apne yahan rakh lijiye. 

Baba bole," Rah lo bhai, mai bhi yaha Musafir ki tarah hi rehta hun, Na jaane kis din mujhe yaha se yaha ka maalik nikaal de! Tum bhi reh lo." Hariya mushqil mein pada, Bola baba, Aapka hi toh makaan hai. Baba bole, Sab uska hai beta, Iske liye na maine mehnat ki hai, Na mujh mein kuch khaas baat hai ki mujhe ye makaan mile, Par Ishwar dayaalu hai mere bacche, Mujhe bhi isne rehne ki jagah de di, khaane ko khana de diya, Tujhe bhi wahi jagah dega, mazey se reh. 

अजगर करे न चाकरी पंछी करे न काम, 

दास मलूका यूँ कहे सब के दाता राम

Aur Baba ne Hariya ko pahli seekh de di, Jo shayad zindagi bhar Sangharsh karte Hariya ko samajh nahi aayi, Thoda gussa zaroor aaya, Kyunki usne Charu Da se sunn rakha tha, Ki Dharm ki afeem gareebon ko Shaant karne ke upaay hai jo ameer upyog mein laate hain, Sarkaarein upyog mein laati hain. Lekin Baba ki baaton mein sukoon tha, Jo ussey aakarshit karta tha. Unke shabd usse pukaarte the, Dulaar karte the. 

Samay Beetne laga, Baba ke saath reh ke, Hariya khaata, Peeta, sota, Jaagta, Hasta, Puraane dinon ko yaad karke rota. Usne Baba ko bata diya ki wo ek naxal hai. Baba ne usse kuch aur na pucha. Baba ne kaha, beta, har sant ka ek bhoot hota hai, Aur har paapi ka ek bhavishya. Apne ko paapi samajhte ho, toh bhavishya ki taraf dekho, Sant samajhte ho, toh Bhoot ki taraf dekh lo. Hariya apne ko kuch samajh sake, Itna uska Gyan kahan? Usey toh aadhi baatein samajh bhi nahi aati thi. Lekin bada ras aata tha. Prem mein doob gya tha Hariya. Uska dil ab laal salaam ke ishaaron pe nahi, Balqi Baba ke Bhajan pe Dhadakta tha. Baba jab gaate the, 


Kabira kahe ye jag andha, 

Kabira Kahe ye jag andha....

Andhi jaise Gaay, Bacchda tha so mar gaya, 

Jhooti Chhhaam chataaye! 

Kabira Kahe ye jag andha.....


Hariya naach uththa. Baba bade dulaar se kahte, Hariya, Beta tu Nirguni sant hai re...Khud ko Bhangi mat kaha kar. Tu toh Kabir hai re....Kabir...

Din acche beet rahe the. Wo apne puraane din bhoolne laga tha. Ek amaavas ki raat thi. Hariya bhangi so rha tha. Baba bhi sone gaye the. Achanak, Hariya ki aankh khuli, Usey apni aankhon pe yaqeen nhi aaya, Uske Saamne Charu mazumdaar khade the. Comrade ko dekh kar, Uski yaadein aur Sipahi ka conduct wapas aa gaya. Usne Red salute kiya. Charu bole, Kaha Afeem mein pad gya Hariya. Tujhe Aazadi ke liye ladna hai, Apne logon ke liye ladna hai, Yaad hai, Kya kya na jhela tere logon ne, tune, teri maa behno ne. Hariya ke aankh se aanshu aane lagey. Glaani mein jalta Hariya bola, Haa Charu daa, maaf kar dijiye dada, Bhool gaya tha. Lekin mai Ab bhi wahi Naxal hun!

Charu ke muh se shabd nikale, "Toh Saabit karo, Baba ka qatl karde, Samaan loot aur waapas jaa ladne Bangaal!" 

Hariya ki zindagi ek aise mod pe thi, jahaan uski pahli zindagi uski dusri zindagi ko khatm kar dena chahti thi. Hariya soch pe pad gaya. Uska dil kurukshetra ho gaya. Wahan Kaurav aur pandav aa gaye, aur Arjun sa Hariya rone laga. 

Uske bheetar Charu ki aawaaz gunjne lagi, Comrade, Maar do baba ko, Comrade maar do baba ji ko. Hariya apne bheetar ki aawaaz ko dabaane laga. 

Kai din beet gaye. Hariya ki bechaini uske chehre pe dikhti thi. Baba kuch kehte nahi, Par shayad samajhte the. Unhone Geeta padhana shuru kar diya tha. Arjun aur Krishna ka samwaad padhana shuru kar diya. Hariya sunn sunn rota tha. Baba kehte kehte haste the. Ajeeb sa mahaul tha. Janta inn dono ko dekhti, aur unko samajh nahi aata, Aanshu aur hasi ki ye kaisi duniya hai, Hariya kyun rota hai? Baba kyun haste hain? 

Ek raat, Hariya Hasua nikaal laaya. Baba sote the. Baba ki gardan par ek bukhaar ke se nashe mein Hariya ne wo hasua rakha, aur Fer diya. Baba ke gale se wahi laal rang nikalne laga, garm, jaisi garmahat, Hariya ne baba ke pass mahsus ki thi. Rota hua hariya, apne aanshu se ek thandak mahsus kar rha tha. Thanda jo uska badan pad gaya tha. Anaath hariya phir anaath ho gaya tha. Punjiwaad ki iss ladaai ne usse uska baba chheen liya. 

Din beet gaye. Hariya Wapas bangaal bhaag gaya tha. Mahaul badalne lagey the. Hariya ne ek kitaab likhi, jisko Mahashweta Devi naam ki badi lekhika ne Prakashit karwaya. Hariya Writer ban gaya tha. 

Ek din hariya ko phir sapna aaya. Sapne mein baba aaye the. Baba ko dekh kar, puraani saari smritiyaan waapas aa gayi. Hariya writer, phir se hariya bhangi ban gaya. Usne haath jodey, bola, maaf kar do baba. Baba bole, "Khush toh hai na mere bacche?" Hariya khush toh rehta tha, Lekin Mere bacche sunn ke Hariya ko laga ki zindagi mein wo bahut din ke baad khush hua hai. Uske aankh se aanshu aane lagey. Baba bole, rota kyun hain mere bacche, Musafir hain hum bhi, Musafir the tum bhi. Lekin tum khud ko maalik samajh baithe mere bacche. Tumne khud ko mere shareer ka maalik samajh liya. Tab hi toh jaan le li mere bacche. Hariya bolna chahta tha, Lekin uska gala baar baar uske rudan se ghut raha tha. 

Hariya kuch chhup hua, phir bola, Baba maaf kardo. Baba bole, har paapi ka bhavishya hota hai mere bacche. Bhavishya pe dhyan do. mai toh waise bhi ab Bhoot hun. Meri hona bhi bas tumhare liye tha. Mujhse zindagi seekho mere bacche. Naxalbari se tumne zindagi ke liye ladne seekha. Mujhse zindagi jeena seekh lo. Baba thodi gussa hote hain. baba toh bas pyaar karte hai na mere bacchhe. 

Hariya rota raha, rota raha. Baba haste rahe, haste rahe. Baba mar ke bhi has paa rhe the. Hariya jee ke bhi ro rha tha. Hariya apne rudan mein Sudama tha, Baba apni hasi mein Bhagwaan the. 



Comments

Post a Comment

Popular posts from this blog

THANK YOU!

-
Image
Journalling will be continued and so will Foucault reading. But I just wanted to share something very personal with you.  You know, Once upon a time, there was a kid who came to a small town in Patratu, leaving his parents behind because their parents were struggling with their own lives and relationships, to a Bijli Board given D-type quarter (House), of two of his Grandparents, Dadaji and Dadima. For a whole year, he was confused where he has come since, he did not know Hindi, only English and Tamil, may be a little Kannada.  He entered a school which was super-Hindi school. For a lot of time, He was a confused kid who did not understand what is going on.  It took at least one year for him to learn basic Hindi to be able to comprehend what was going on? Of course, he was never a brilliant student. Forget brilliant, He was not even mediocre when he used to study in LKG in Bangalore.  Now, cut to, when I see me, this little kid, who has no idea whatsoever, to me, mem...
Read more

EVERYWHERE, EVERYTHING ALL AT ONCE

-
I wrote it after a sweet experience of is-ness after a Bhajan. Life, as it is, seems quite incomprehensible to us. Too much of everything. Too much of things, too much of people, too much of emotions and too much of reason. The best description of life, as it is, should be Everywhere, everything, all at once. Things exist, and from those things arise man which can comprehend itself and its is-ness.  Is-ness is a quality of the man. The capability to be able to acknowledge how existing feels like, it is a unique feature of the man. Stones cannot describe is-ness. From is-ness, a need for meaning arises. A dire need to formulate why we are able to comprehend so much.  From meanings, arise a need of articulation and from that arises language. Language worships meanings through words. Words create, in turn, their own symbolic or otherwise meanings. These meanings have a world of their own. One meaning that arose due to is-ness, another meaning which was the cause of language and t...
Read more

LET'S READ FOUCAULT: CHAPTER 1 (CHOMSKY-FOUCAULT DEBATE

-
Image
Michael Foucault, in my opinion, is the most influential thinker of 20th Century. No cap. I think the extent to which he has inspired literary theory, Philosophy, Sociology and Contemporary thought in general, it is immeasurable. I mean, everyone thinks he is not Foucauldian until I tell them what actually Foucauldian is, and then they realize that most of their actions in their lives is Post-modern and hence Foucauldian.  Here, in a couple of chapters, we will try to understand Foucault and his thoughts. In no way, it is meant to create an analysis of his work or trying to interpret his work. It is just an informative blog., the way I understand him, I would like to present so as to consolidate my knowledge. Next in the series might be Marx, Zizek, Lacan, whatever.  My beginning to understand him began when I watched this debate happened on a Dutch Television show, where these two Great thinkers, Noam Chomsky and Michael Foucault, appeared. At that time, and it was some 4-5 y...
Read more